पूर्णायु आयुर्वेद अस्पतालको अन्तर्राष्ट्रिय सफलता, ढाकामा प्रतिष्ठित अवार्ड प्राप्त
ढाका - काठमाडौंस्थित पूर्णायु आयुर्वेद अस्पतालले अन्तर्राष्ट्रिय स्तरमा अर्को महत्वपूर्ण उपलब्धि हासिल गरेको छ। बंगलादेशको ढाकामा आयोजित ‘ग्लोबल एक्सिलेन्स हेल्थकेयर एण्ड आयुर्वेदिक लिडरशिप अनर २०२६’ बाट सम्मानित हुँदै पूर्णायुले नेपाली आयुर्वेद क्षेत्रको प्रतिष्ठा विश्वमाझ उँचो बनाएको हो।
ढाकास्थित आइडिया एक्सचेन्जद्वारा आयोजित तेस्रो ग्लोबल एक्सिलेन्स अनर एण्ड ब्यूटिसियन, आर्ट एण्ड बिजनेस कन्फरेन्स–२०२६ मा पूर्णायु आयुर्वेद अस्पताललाई आयुर्वेदिक स्वास्थ्य सेवामा पुर्याएको उल्लेखनीय योगदान, अन्तर्राष्ट्रिय प्रभाव, जनविश्वास तथा सेवाको उत्कृष्टताका आधारमा सम्मान प्रदान गरिएको हो।
उक्त अवार्ड अस्पतालका अध्यक्ष एवं युवा सामाजिक अभियान्ता प्रल्हाद चौहानलाई ढाकाका विशिष्ठ व्यक्तित्वहरुले प्रदान गरेका थिए ।
सम्मानपत्रमा पूर्णायुलाई नेपालको अग्रणी आयुर्वेदिक स्वास्थ्य संस्थ...










