अनलाइन दशैँ–तिहार डान्स प्रतियोगितामा सहभागीको उत्साह बढ्दै
ललितपुर। बालबालिका तथा किशोरकिशोरीभित्र लुकेर रहेका नृत्य प्रतिभालाई उजागर गर्दै राष्ट्रियस्तरमा चिनाउने उद्देश्यसहित लक्जरी ईभेन्ट एण्ड ईन्टरटेनमेन्ट प्रा.लि.द्वारा आयोजित ‘अनलाइन दशैँ तथा तिहार डान्स प्रतियोगिता–सिजन २’ उत्साहजनक रूपमा अगाडि बढिरहेको छ।
नेपाली कला, संस्कृति र नृत्यप्रतिको आकर्षणलाई प्रोत्साहन गर्नुका साथै नयाँ पुस्तामा रहेको सिर्जनात्मक क्षमता, आत्मविश्वास र प्रस्तुतिकला विकास गर्ने लक्ष्यका साथ प्रतियोगिता आयोजना गरिएको हो। विशेषगरी काठमाडौं उपत्यकाबाहिर रहेका प्रतिभाशाली बालबालिका तथा किशोरकिशोरीलाई समेत समान अवसर प्रदान गर्ने उद्देश्यले प्रतियोगितालाई पूर्ण रूपमा अनलाइन माध्यमबाट सञ्चालन गरिएको आयोजकले जनाएको छ।
प्रतियोगिताप्रति देशभरका बालप्रतिभाको आकर्षण उल्लेख्य देखिएको छ। आयोजकका अनुसार प्रतियोगिताका लागि देशका विभिन्न स्थानबाट ८६० भन्दा बढी नृत्य भिडियो प्र...










