गौशालामा खुल्यो ‘ऐश्वर्य बुटिक होटल’
काठमाडौं । रोजगारी र अवसरको खोजीमा ठूलो संख्यामा युवा विदेश पलायन भइरहेका बेला नेपालमै सम्भावना खोज्दै उद्यमशीलता र पर्यटन प्रवर्द्धनमा योगदान पुर्याउने उद्देश्यसहित युवाहरूको सामूहिक लगानीमा काठमाडौंमा ‘ऐश्वर्य बुटिक होटल’ सञ्चालनमा आएको छ।
विदेशमा होइन, आफ्नै देशमा केही गर्नुपर्छ र नेपालमै उद्यम तथा रोजगारीका अवसर सिर्जना गर्नुपर्छ भन्ने सोचबाट करिब तीन वर्षअघि स्थापना भएको ऐश्वर्य इन्भेस्टमेन्ट ग्रुपले आफ्नो पहिलो परियोजनाका रूपमा काठमाडौंको गौशाला, पिङ्गलस्थानमा ऐश्वर्य बुटिक होटल सञ्चालनमा ल्याएको हो।
करिब ४५ वटा सुविधासम्पन्न कोठा रहेको होटल आधुनिक संरचना, आकर्षक कोठाको सजावट, सहज वातावरण र स्तरीय आतिथ्य सेवाका कारण स्वदेशी तथा विदेशी पर्यटकका लागि नयाँ गन्तव्य बन्ने अपेक्षा गरिएको छ। विशेषगरी विश्वसम्पदा सूचीमा सूचीकृत पशुपतिनाथ मन्दिर र त्रिभुवन अन्तर्राष्ट्रिय विमानस्थलको न...










