जिल्ला आयुर्वेद स्वास्थ्य केन्द्रको १५औँ ‘पथ्य आहार कार्यक्रम’ - राष्ट्रपत्र
मङ्लबार, फाल्गुन १५, २०८०

जिल्ला आयुर्वेद स्वास्थ्य केन्द्रको १५औँ ‘पथ्य आहार कार्यक्रम’


जिल्ला आयुर्वेद स्वास्थ्य केन्द्र काठमाडौंले सिनामंगलमा १५औँ ‘पथ्य आहार कार्यक्रम सम्पन्न गरेको छ । बुधबार नागरिकहरूलाई पथ्य आहार सेवन गर्न प्रेरित गरि स्वास्थ्य प्रवर्द्धन गर्ने उदेश्यले १५औँ ‘पथ्य आहार कार्यक्रम गरेको हो ।

यो कार्यक्रम गत भदौं सुरु गरिएको हो । ‘पथ्य आहार कार्यक्रम’ ऋतु अनुसारको स्वास्थ्यवर्धक खानपान प्रवर्द्धनका लागि सुरु गरिएको कार्यक्रम हो । यस कार्यक्रम अन्तर्गत परम्परागत खानपानका बारेमा समेत जानकारी दिई हरेक हप्ताको बुधबारका दिन कार्यालय परिसरमा कार्यालयमा आउने सेवाग्राहीहरुलाई आयुर्वेदमा वर्णित ऋतु अनुसार पथ्याहारको जानकारी दिने तथा खुवाउने समेत गरिएको छ ।

जिल्ला आयुर्वेद स्वास्थ्य केन्द्रकाअनुसार वर्षमा ६ वटा ऋतुहरु हुन्छन् र प्रत्येक ऋतु अनुसार हाम्रो शारिरिक बल तथा पाचन क्षमता अलग हुन्छन् । तसर्थ आफ्नो शरीरको बल तथा खाना पचाउने क्षमता बुझेर मात्र खाने जनचेतना अभिवृद्धि गर्नका लागि यो कार्यक्रम सुरु गरिएको हो । हाम्रो संस्कृति, चाडपर्व र ती चाडपर्वमा खाईने परिकारहरु समेतले त्यस ऋतुका लागि हाम्रो शरीरलाई आवश्यक पर्ने पोषक तत्वहरुलाई पुरा गर्छ ।

माघे संक्रान्तिमा घ्यू, चाकु, खिचडी । माघे संक्रान्तिमा खाईने यस्ता खानेकुराले शरीरलाई न्यानो बनाउनुका साथै शरीरलाई बलियो समेत बनाउँछ जुन शिशिर ऋतुका लागि अत्यन्तै आवश्यक छ । यो कार्यक्रम २०८१ आषाढ मसान्तसम्म सञ्चालन गरिनेछ ।

Leave a Reply

Your email address will not be published. Required fields are marked *