संगीता अधिकारीले दिईन एनआरएनए जापानको अध्यक्षमा उम्मेद्वारी

गैरआवासीय नेपाली संघ (एनआरएनए) जापानको अध्यक्ष पदका लागि संगीता अधिकारी सुवेदीले उमेद्वारी घोषणा गर्नुभएको छ । यही ३० जुलाईमा हुने निर्वाचनमा उहाँले आफ्नो उमेद्वारी घोषणा गर्नुभएको हो ।

उहाँले भन्नुभएको छ, ‘मैले जुन अनुभव हासिल गरेको छु, त्यसले मलाई अब संस्थालाई सबल नेतृत्व दिन म समर्थ छु भन्ने आत्मविश्वास दिलाएको छ ।’ उहाँले आफूले दुई वर्षे कार्यकालमा उपाध्यक्षका रुपमा निर्वाह गरेको भुमिकाको न्यायोचित मुल्यांकनले पनि आफूलाई भावी नेतृत्वका लागि लायक ठहर गर्ने बताउनुभएको छ ।

उहाँले भन्नुभएको छ, ‘ब्याबसायीक रुपमा कार्य गरेको अनुभब लगायतका आधारमा म नेपाल र नेपालीलाइ मात्र बुझेको छैन जापान र यहाभएका हामी नेपालीहरूका समस्यालाई नजिकबाट बुझेको छु । तिनिहरूलाई समाधान गर्दै हाम्रो समुदायको उज्वल भविष्य देखाउने ९भिजन० लिएर म आएको छु । जापानमा नेपालीको नयाँ पुस्ता तयार भइरहेको छ । हामी पछाडीको त्यो पुस्तालाई हामीसँगै हिडाउने चुनौति हाम्रो अगाडी छ । यदी साच्चीकै जापानमा नेपालीहरूको लागि कार्य गर्ने हो भने वा जापानमा सधै नेपाली भएर बाच्ने हो भने यो तन्नेरी पुस्तालाई मूल प्रवाहमा ल्याउन अत्यन्तै जरुरी छ । नेपाल र नेपालीको पहिचान, संस्कृती र सभ्याताको उनीहरूमा हस्तान्तरण मात्र होइन, उनीहरूमार्फत त्यसको सम्बर्धन तथा संरक्षण गर्नुपर्ने हुन्छ । गैर आवासीय नेपालीको अभियानमा विविध कारणले म युवाहरूसँग धेरै जोडिएको छु ।

मेरो पुस्ता भन्दा माथिल्लो पुस्ता अर्थात जापानमा भएको पाको नेपाली पुस्ताको आर्सिवाद मलाई प्राप्त छ । मेरो पुस्ताका तमाम साथीहरूसँग त म काम गरिरहेको छु अतः म सबै पुस्ताका नेपालीहरूसँग जोडिएको तिनीहरूको सही अर्थमा प्रतिनिधित्व गर्न सक्षम ब्याक्ति हुँ । मैले गैर आवासीय नेपाली संघ जापानका अग्रजहरू, यहाँका बौद्धिक तथा ब्यावसायिक व्यक्तित्वहरूको सल्लाह र सुझावलाई सदा सिरोपर गर्दै कार्यगर्ने छु । म एक इमानदार, कर्तव्यनिष्ठ सेवकको रुपमा नेपालीहरूको बीचमा कार्य गर्न पाउने आशाका साथ आएको छु ।’

Leave a Reply

Your email address will not be published. Required fields are marked *