ओली पक्षका दोस्रो तहका नेताहरु पार्टी एकतामा त्यति गम्भिर देखिएनन् - राष्ट्रपत्र
मङ्लबार, अशोज ५, २०७८

ओली पक्षका दोस्रो तहका नेताहरु पार्टी एकतामा त्यति गम्भिर देखिएनन्


-डा.डिआर उपाध्याय,

दल बिभाजन लोकतन्त्रका लागी खतरा अब आउने दिनमा देशको राजनीति के हुन्छ र कता जान्छ भन्ने बिषयमा सबैको चासो छ । देशको ठूलो पाटी एमाले बिभाजनले देशमा एक खालको तरंग उत्पन्न भइरहेको छ । लोकतन्त्रमा ठूला दल बिभाजन हुँदा पक्कै पनि देशलाई घाटा हुन्छ नै । लोकतन्त्र पनि कमजोर हुने खतरा हुन सक्छ । दल बिभाजन हुनु भनेको लोकतन्त्रका लागी खतरा हो । आज जे भइरहेको छ, त्यो मुलुकको हितमा छैन । जसले जति कोसीस गरे पनि नेपाल कम्युनिस्ट पार्टी एमाले फुटबाट जोगिन सकेन । यो नै चिन्ताको बिषय हो ।

दोस्रो तहका नेताहरुको पनि केही सिपलागेन । उनीहरू निरीह बनेर बसे । ओलीपक्षका दोस्रो तहका नेताहरुले पनि यो बिषयमा प्रभाबकारी भूमिका निर्वाह गर्न सकेनन् । पार्टी फुट्न दिनु हुँदैन भनेर उनीहरु कहिले गम्भिर बनेनन् । बरु माधब नेपाललाई उत्तेजित बनाउने खालका टिकाटिप्पणी गरे । माधव पक्षलाई चिढाउने काम बाहेक ओली खेमाले अरु केही गरेन । सूर्य थापा, गोकुल बास्कोटा जस्ता नेताले दिनौं जसो सामाजिक संजालमा दिने टिका टिप्पणीले एकता भडकाउन ठूलो भूमिका खेल्यो । ओलीले उनीहरुलाई कहिले लगाम लगाउन सकेनन् ।

ओली पक्षका दोस्रो तहका नेताहरु पार्टी एकतामा त्यति गम्भिर देखिएनन् । समस्या यहाँ निर छ । कुरा एकातिर काम अर्को तिर गर्ने प्रबृतिले यो समस्या आएको हो । अहिले एमाले गम्भिर संकटमा छ । यो संकटलाई पार लगाउन त्यति सहज छैन । समयले धेरै बाटो काटि सक्यो । आगामी निर्वाचनमा एमाले धेरै कमजोर हुने आँकलन धेरैले गर्न थालेका छन । समयमा बुद्धि पुर्याउन सकेको भए अहिले पछुताउनु पर्ने थिएन । नेताहरुमा देखिएको दम्भ र अहंकारले एमाले सकियो ।

नेताहरुले राम्रो काम गर्न सकेनन् । जनताले नेता छनोट गर्न जानेनन् । यस्ता नेताबाट देश बन्न सक्दैन । जनताले सोच्नु पर्ने बेला आएको छ । देशमा एउटा नेता पनि राम्रो पाउन गाहारो छ । चुनाव निस्पक्ष हुन नसकेर पनि यस्तो हुन्छ । जनप्रतिनिधि तथा नेता छान्ने काम जनताको हो । नेपालको राजनीतिमा फेरि अस्थिरता निम्तिने खतरा पनि उत्तिकै बढेर गएको छ । नेताहरू कुर्लीकुर्ली भाषण मात्र गर्छन्,ब्यवहारमा कुनै कुरा लागु गदैनन् । नेताहरुलाई सत्ता मात्र चाहिएको छ ।

जनताको पिर मर्का के छ कुनै मतलव छैन । सत्तामा गए पछि आफ्ना मान्छेलाई खोजीखोजी नियुक्ति दिन्छन्, पहिले भएकालाई घोक्रेठ्याक लगाइदिन्छन् । हामीकहाँ यो रोग छ । ‘राम्रो’ भन्दा ‘हाम्रो’ प्यारो भएको छ । पार्टीपिच्छे गुट र उपगुटको प्रभाव छ । कार्यकर्तालाई क्षमता हेरेर निष्पक्षताका आधारमा काम दिइँदैन। क्षमता भएहोस्, न भए न होस् तर आफ्नो मान्छेको भागमा पर्नुपर्छ । यो प्रबृति बढी हाबी भएको छ । ओली पक्षबाट वर्तमान सरकारप्रति चर्को आलोचना भइरहेको छ । सरकारले जनताको पक्षमा लोकप्रिय काम गरेर देखाउने बेला आएको छ ।

Leave a Reply

Your email address will not be published. Required fields are marked *